Простатит неден пайда болады
Созылмалы простатит – өте ұзақ уақыт жүретін және мүлде білінбейтін қуықалды безінің қабынуы. Көп жағдайларда айқын белгілері біліне бермейді, сол себепті ер адам өзінің осындай қауіпті аурумен ауыраты жөнінде білмеуі де мүмкін. Созылмалы түрдегі простатит жіті формада өте сирек дамыйды. Айқын белгілерсіз және науқаста қатты ауыру көріністерінсіз біртіндеп күшіне ене береді. Көптеген еркектер простатит жайлы медициналық тексерістен өткенде немесе УДЗ-диагностика жасағанда аяқ астынан біліп жатады. Созылмалы простатит кез келген жастағы ер адамдар үшін қауіпті болып келеді. Қауіп тобына гиподинамия жақтастары мен жыныстық қатынастан тартынатын ер адамдар жатады. Жамбас аймағына шамадан тыс түскен физикалық салмақ та аса қауіпті болып саналады.
Созылмалы простатит ер адамдардың жыныс жүйесінің қабыну ауруларының барлық түрлерінде жиі кездеседі. Ауру 50 жастан асқан еркектерде жиі орын алады. Көбінесе бұл бактериялық сипаттағы простатит кезінде ем қабылдамау немесе соңына дейін емделмегеннен болады. Егер белгілері білінетін болса, ол жыныс органдары және жамбас аймағындағы ауырсыну ретінде байқалады. Кейбіреулер несеп шығару кезінде қиналады. Зәр шығару және ұрық шығару кезінде де ауырсыну байқалуы мүмкін.
Алғашқы белгілері
Ер адам ағзасында дамыйтын созылмалы простатит ешқандай себепсіз пайда болмайды. Аурудың дамуына ықпал ететін бірнеше фактор бар. ЖЖБА түрлі формалары үлкен қауіп төндіреді. Олар несеп жолдарына зақым келтіреді және біртіндеп қуықалды безінің тініне енеді.
Жыныс мүшелерінің бұзылуы тоқырауға және простата кезінде оның қабынуына әкеледі. Ұзақ отыратын және қозғалыссыз өмір салты автоматты түрде қауіп тобына кіргізеді. Көбінесе жүргізушілер, мемлекеттік қызметкерлер мен кеңседе жұмыс істейтіндер осы топтың қатарына жатады.
Тұрақты жыныстық өмірдің болмауы үлкен қауіп тудырады. Сексуалдық қарым-қатынасты оқыс үзу және жыныстық қатынастың жасанды ұзаруы үшін химиялық заттарды қолдануда өте абай болу қажет.
Жиі суықтап қалатын ер адамдар қауіп тобына жатады. Бұл сондай-ақ, экстремалды демалыс түрлерін жақтайтындарға қатысты, олар: тау шаңғысымен айналысатындар, тау шаңғысы курорттарының келушілері, дайвинг жақтаушылары және т.б.
Жиі күйзеліс жағдайлары да созылмалы простатиттің пайда болуына алып келеді.
Аурудың дамуы кезінде, жамбас мүшелерінің күйі және олардың қан айналымы процестеріндегі бұзылулардың болуы аса маңызды болып табылады. Аурудың даму қаупі соматикалық аурулардың болуымен және еркек ағзасының қорғаныс механизмдерінің әлсіреуінен артады. Бұл дегеніміз соңғы орын патогендік флораны анықтауға беріледі дегенді білдіреді.
Созылмалы простатит белгілері
Ерлердің көбінде простатиттің созылмалы көрінісін анық көрсете алатын белгілер жоқ. Тек кей кездері ғана жіті простатит белгілерін сезіну мүмкін, бірақ бұл тек төтенше жағдайларда болады.
Мынадай жағдайлар байқалса, аурудың дамуы туралы ойлану керек:
жамбас аймағында жайсыздық немесе әртүрлі ауырлық сезімі пайда болады;
нәжіс шығару немесе зәр шығару әрекеттері жайсыздық тудырады;
несеп шығару жолдарынан патологиялық бөлінулер пайда болады;
науқас жыныс безінің, жамбасының және артқы тесігінің үлкейгенін байқайды.
Кез келген жағдайда науқас аурудың белгілерін өздігінен байқай бермейді. Көптеген ер адамдар бұл құбылыстарды қалыпты деп есептейді, сондықтан оларға мән бермейді.
Созылмалы простатиттің асқынуы
Кейде ауру асқынып кетуі мүмкін. Мұндай кезде несеп шығару жолында күйдіру сезімі мен қатты ауыру сезімдері пайда болады, адам жиі несеп шығарғысы келеді. Кейбір науқастар тік ішектің, жамбас аймағының және іштің төменгі жағының ауруынан зардап шегеді. Ер адамдарда жыныстық белсенділіктің азаюы, сондай-ақ нәжіс шығару кезінде ауырсынудың пайда болуы анықталуы мүмкін.
Кейбір дәрігерлер созылмалы простатиттің психологиялық белгілерінің болатынына сенеді. Олардың арасында шамадан тыс ашушаңдық, алаңдаушылық, бір сәтте шаршау, күйзеліске ұшырау, беймазалық және ұйқының бұзылуын атап көрсетеді.
Көптеген ерлер үштен артық белгілерді айтып бере алмайды. Көбінесе эрекцияның бұзылуы және ерте ұрық шашу туралы айтады.
Созылмалы простатиттің қаупі
Неліктен бұл ауру ер адамдар үшін өте қауіпті деп есептеледі? Себебі ол белсіздікке әкеліп соқтыруы мүмкін. Қуықалды безінің негізгі қызметі ұрықтың өміршеңдігін сақтау үшін қажетті арнайы секреция бөлу болып табылады. Қуықалды безіне әсер ететін қабыну оның секрециялық қызметін бұзады.
Емдеу ерекшеліктері
Егер ер адамда созылмалы простатит болса, жылдам әрі қарапайым емдеу туралы ойланбаңыз да. Себебі созылмалы простатитті емдеу қашанда оңай және қарапайым болуы мүмкін емес. Шаралар қолданудың тиімділігі мен ұзақтығы көбіне аурудың даму сатысына қарай , науқастың медициналық көмекке жүгінуі кезінде анықталады.
Терапия ұзақ, кешенді әдісті қажет етеді. Оның негізгі компоненті – дәрі-дәрмектер қабылдау болып табылады. Қазіргі заманғы науқастарға арналған табиғи терапевтік өнімдердің арасында ең танымал болып жүргені «Ламифарэн». Оның формуласын ұзақ және күрделі зерттеулердің нәтижесінде бірнеше жыл бұрын ғалымдар ойлап тапты.
«Ламифарэн» жасанды ингредиенттерді қоспай, табиғи қоңыр балдырлар негізінде жасалған. Құрамының толықтай табиғилығы ер адам ағзасына кешенді сауықтыру әсерін беретіндей және созылмалы простатиттің түрлі көріністерімен күресетіндей етіп таңдалған. Аурудан толық жазылу, иммундық жүйені нығайту, ішкі органдар мен жүйелердің жұмысын жақсарту үшін өнімді үнемі пайдаланып отыру жеткілікті.
«Ламифарэннің» қарсы көрсетілімдері мен жанама әсерлері жоқ. Оны кез-келген жаста еш қорқынышсыз қолдана беруге болады. Өнімнің бұл ерекшелігі – зерттеушілердің көптеген зерттеулерінің нәтижелерімен расталған.
Источник
Простатит – қуық асты безінің қабынуы – еркектердің жыныс мүшелерінің ең жиі кездесетін ауруы. Үрпі, қуық қабынғанда, үрпіні құралдармен зерттегенде қуық безіне микробтар енуі мүмкін. Баска жағдайларда микробтар қуық асты безіне организмдегі іріндеу ошактарынан (сыздауық, баспа, гайморит, пневмония) гематогендік жолмен өтеді. Куык асты безі секретінің бактерицидтік қасиеттері бар, сондықтан бездің қабынуы үшін микробтар енумен қатар, вена стазы және секреттің ұюы секілді оған жол беретін факторлар болуы тиіс. Бұлар дене қатты суынғанда, іш бітелгенде, мастурбация салдарынан, ішімдікке салынғанда, ұзақ уақыт отырып жұмыс істеуде (мысалы, автомашина жүргізушілерде) пайда болады. Простатитті көбіне стафилококктар, стрептококктар, ішек таяқшалары, трихомонадалар туғызады. Жедел жөне созылмалы простатит болып жіктеледі.
Жедел простатит. Жедел простатиттің мынадай түрлері бар: катаральды, фолликулалы, паренхималы, қуық асты безінің абсцесі. Катаральды простатит қуық безінің шығару өзектеріндегі кілегейлі қабықтың қабынуына байланысты. Егер қабыну процесі өршіп бара жатса, шығару өзектерінің ісінуі оларды қысып, без фолликулаларында кілегей-іріңнің жиналуына, сөйтіп олардың іріндеуіне (фолликулалы простатит) себепші болады. Паренхималы простатитте қуық безінің көптеген бөліктері іріндеу-қабыну процесіне ұшырайды. Простатадағы бірнеше үсақ ірің бір ірі түйірге біріксе, простата абсцесі пайда болады. Абсцесс тік ішекке, қуыққа, шапқа, көбіне несеп жолына ашылып, ірінді көбейтуі мүмкін.
Клиникалық барысы мен белгілері. Катаральды простатит кезінде куықасты безі ұдайы біркелкі ауырады және түнде зәр шығару жиілейді. Қуық асты безін тік ішек арқылы саусақпен зерттеуде көбіне айтарлықтай өзгеріс байқалмайды. Қуық асты безінің секретінен көптеген лейкоциттер және кілегейлі ірің жіпшелері табылады. Фолликулалы простатитте аурудың клиникалық көрінісі айқынырақ байқалады.
Науқастар шаптың арасы ауыратынын, ұйып, жыныс мүшесінің басы мен артқы тесікке қарай таралатынын айтады. Зәр шығару жиілейді, ауырады, кейде қинайды. Дене қызуы 38-38,5°С-ге дейін көтеріледі. Қуықасты безінің көлемі ұлғаяды, нығыздалады, қисаяды, кей жері басқанда кенет ауырады. Қуық асты безін басқаннан кейін зәрде көптеген ірің жіпшелері пайда болып, құйылған ыдыстың түбіне тез шөгеді, ал микроскоппен қарағанда көптеген лейкоциттертабылады.
Паренхималы простатитте ірінді қабыну процесінің клиникалық көрінісі байқалады. Дене қызуы жоғарылап (39-40°С), денесі қалтырайды, жалпы әлсіздік, шөліркеу байқалады, зәр шығаруды ауьірсынады, кейбір науқастарда зәр тоқтап қалады. Қуық безінің секретінде лейкоциттер көбейіп, лецитин дөндері азаяды. Тік ішек арқылы теқсергенде без ұлғайған, ширыққан, жиектері білінбейді, басқанда ауырады. Егер қуық асты безінің абсцесі пайда болса, онда флюктация учаскесі байқалады. Қуық асты безінің абсцесінде шапта, одан соң тік ішекте тамыр соққандай ауру сезіледі. Ал абсцесс жарылса – зәрдің түсі өзгереді, бірақ дене қызуы реттеледі. Қуық асты безінің абсцесі ауыр септикалық ауру ретінде өтеді, дер кезінде операция жасалмаса, бактериемиялық (эндотоксикалық) шок, уросепсис пайда болады.
Диагноз қою. Әдетте жедел простатитке диагноз қою қиындық туғызбайды. Ол анамнездің мағлұматтарына және науқастың шағымдарына сүйенеді (аралықта, тік ішектің ауруы, зәр шығарудың қиындауы, үрпіден ірің шығуы, дене қызуының 38-39°С-ге дейін көтерілуі, дененің қалтырауы). Куық асты безін саусақпен басып көргенде оның үлғайғаны, ісінгені, ауыратыны байқалады. Қуық асты безінің секретінен көптеген лейкоциттер табылады, ал лецитин дәндері азайған. Жедел простатит кезіндегі қуық асты безін зерттеуді абайлап жүргізу керек, оны қатты басуға және массаж жасауға болмайды. Ультрадыбыспен сканирлеу арқылы қуық асты безінің абсцесін анықтауға болады.
Дифференциалдық диагностикасы. Жедел простатитті жедел цистит пен уретриттен ажырата білу керек, өйткені бүл ауруларда зәр шығару жиі әрі ауырсыну болады. Алайда жедел простатит зәрдің шығуының қиындауымен, іріңнің интоксикациясымен белгіленсе және де пальпация кезінде қуықтүбі безінің үлғайғаны, ісінуі, ауыратыны байқалса, ал жедел цистит пен уретритте ондай белгілер болмайды.
Жедел циститте лейкоцитурия зәрдің барлық үш бөлігінен байқалса, жедел уретритте – негізінен бірінші бөліктен байқалады, ал жедел простатитте үшінші бөліктен табылады да, қуық асты безін басқанда күшейе түседі.
Емдеу. Жедел простатиті бар науқасқа төсекте жату режимі белгіленеді, ащы, тітіркендіретін тағам ішуге болмайды. Әсер ету спектрі кең антибиотиктерді (ампициллин, канамицин, гентамицин сульфаты, амикацин, цефалоспорин және т.б.) сульфаниламидтік препараттармен бірге пайдаланады. Ауруды және зәр шығару кезіндегі қиналуды басу үшін итжидек, анестезин, промедол немесе пантопон қосылған свечаларды пайдалану ұсынылады. Осындай мақсатта шапты жылытатын компресс түрінде жылыту процедураларын, грелка, отыратын ыстық ванна (38-40°С), ыстық микроклизма (1 г антипирин немесе пирамидон қосылған, температурасы 39-40°С 50 мл су) қолданылады. Ішекті үдайы босатып отыру үшін іш жүргізетін дәрілерді белгілейді. Егер жедел простатит қуық безінің абсцесіне ұласса, опррация қажет болады – абсцесті жару керек. Алдын ала жуан инемен пункция жасау арқылы қуық асты безінде ірің бар-жоқтығына көз жеткізеді. Қуық асты безінің абсцесіне пункцияны ультрадыбыспен бақылау арқылы жүргізген жөн. Соңғы жылдары простата абсцесін электрорезектоскоптың жәрдемімен трансуретралық ашу әдісі кеңінен қолданылуда.
Болжам. Қажетті емдеу дер кезінде жүргізілген болса, жедел простатитте болжам әдетте жақсы болып шығады. Алайда простатит өте асқынып кетсе, антибактериялық терапия кеш басталса, абсцеске операциядан кейін жедел қабыну процесі созылмалы түрге өтеді.
Созылмалы простатит. Бұл ауру жедел простатитгі дер кезінде және жеткілікті емдемеудің салдары болып табылады. Алайда созылмалы простатиткөбіне баяу дамиды. Созылмалы простатитте олардың өзектерінің окклюзиясы салдарынан және қуық асты безі секретінің ұюынан фолликула жүйесінде үлғайған куыстар пайда болады. Созылмалы простатиттің ұзақ өтуі қуық безінің көлемін кішірейтетін мүше склерозына әкеп соғуы мүмкін.
Клиникалық ағымы және белгілері. Созылмалы простатитке тән шағымдар: аралықта, сегізкөзде, тік ішекте тұрақты сырқырап ауырсыну, ол сыртқы жыныс мүшелеріне ирродиация береді жөне үрпіде ертеңгі зәрге шықкан кезде ұнамсыз сезім, күйіп ауырғандай белгі болады. Кейбір науқастарда нәжіс шығарғаннан кейін немесе зәрге шығу соңында простата сөлінің бөлінетіні байқалады (простаторея). Ұзақ бір жерде қозғалмай отырған кезде жамбастағы венездын қан айналысының іркілуіне байланысты ауырсыну күшейе түседі, ол жаяу жүретін болса ауырсыну азаяды, басылады. Бірқатар созылмалы простатиті бар науқастар жыныс қатынасының бүзылғанына шағым айтады (эрекцияның жетіспеушілігі, эякуляцияның шапшандығы), осы белсіздік шағымдарына байланысты емдеу әдістерін жетілдіру ғылыми проблема. Сонымен қатар, науқастарда неврастения, ұйқы қашу, жұмыс қабілетінің кемуі байқалады. Тік ішек арқылы зерттеуде қуық безі беліктерінің әркелкі жетілгенін, нығыздалған учаскелерді (инфильтрация), басқанда ауыратынын байқауға болады.
Диагноз қою. Созылмалы простатитке диагноз қоюда тік ішек арқылы саусақпен зерттеудің және қуық асты безінің секретін тексерудің шешуші маңызы бар. Одан лейкоциттердін көп, лецитин дәндерінің аз екені және бактериологиялық зерттеудің оң нәтижелері созылмалы простатиттің бар екенін дәлелдейді. Қуық асты безінің секреті мен зәрді зерттеуді мынадай схемамен жүргізу керек. 10-12 мл зәрді стерильді үш пробиркаға алады: бірінші үлестен зәр шығару кезінде, екінші (яғни ортаңғы) және үшінші үлестен (қуық асты безіне массаж жасаудан кейін) зәрдің тұнбасына микроскопия, зәрді бактерия флорасына егу жүргізіп және үш пробиркадағы зәр флорасының антибактериялык препараттарға сезімталдығын зерттейді.
Зәрді бұлайша зерттеу қабыну процесінің орнын (үрпі, қуық, бүйрек, қуық асты безі) анықтауға мүмкіндік береді. Сонымен қатар, қуық асты безіне массаж жасаған соң заттық шыны бетіне оның секретінен бір тамшы тамызып, микроскоппен қарайды. Қуық асты безіне ультрадыбыстық зерттеу жүргізу оның тканінің тығыздығы әртекті екенін, ал склероз кезінде – мүшенің кішірейгенін, бірқатар жағдайларда қуықта зәрдің қалатынын көрсетеді.
Дифференциалдық диагностикасы
Қуык асты безінің аденомасына ұштасатын созылмалы простатитті көбіне осы мүшенің туберкулезінен немесе рак ауруынан ажырату қиын. Мұндай жағдайларда ультрадыбыстық сканирлеу, компьютерлік томография, қуық асты безінің биопсиясы айтарлықтай көмек көрсете алады.
Емдеу. Созылмалы простатитке емдеу жан-жақты жүргізі-луі тиіс, ол жалпы шынықтыратын және антибактериялық терапиядан, сондай-ақ қуық асты безіне жергілікті әсер етуден түрады. Инфекциямен күресу үшін әсер ету спектрі кең антибиотиктерді (ампициллин, карбенициллин, канамицин, гентамицин, амикацин, эритромицин, цефелоспорин және т.с.с), химиялық антибактериялық препараттарды (фурагин, сульфадиметоксин, бисептол, 5-НОК немесе нитроксолин, невиграмон, грамурин, фторхинолондар, палин) қолданады. Инфильтрация процестері тарауы үшін және тыртық-склероздық өзгерістердің дамуын тежеу үшін лидаза (тері астына тәулігіне 0,1 грамнан), алоэ экстракті (тері астына тәулігіне I мл-ден), шыны тәрізді дене (тері астына төулігіне 2 мл-ден) қолдану тиімді болып табылады. Бұл препараттардың терапия курсының ұзақтығы – 10-20 күн. Қуық асты безіндегі созылмалы қабыну процесін асқындыру үшін және одан кейін ойдағыдай антибактериялық емдеу үшін бұлшық ет ішіне пирогеналды 25 МПД-дан бастап бірте-бірте мөлшерін 100-150 МПД-ға дейін арттыра отырып қолданады.
Дәрімен емдеуді жергілікті физиотерапиялық емдеумен (қуық безіне массаж, отыратын ыстық ванна, түймедағы және антипирин қосылған ыстық микроклизма, ректальды диатермия, балшыкты ректальды тампондар мен дамбалдар) ұштастыру керек. Балшықпен емдеуді Атырау, Муялды, Жаңақорған, Железноводск, Саки және басқа санаторий-курорттарда емдеумен ұштастыру тиімді.
Науқастарға қимылды режимді (қөп қимылдау), ішімдік пен ащы тағам қосылмаған диетаны ұсынған ұсынған жөн. Созылмалы престатиттің емдеуі күрделі, жоғарыда аталған емдеу әдістерін кезектестіре отырып бірнеше курс өткізуден тұрады. Соңғы жылдары созылмалы простатиттің асқынған түрлеріне байланысты болатын белсіздікті емдеуге біздің Ғылыми урология орталығында ультрадыбыспен ықпал етуді және рефлекс терапиясы (ине шаншу, лазер акупунктурі) ойдағыдай қолданылуда.
Ультрадыбыстық терапия нерв орталықтары мен шеткі нервбұлшық ет түзінділерінің физиологиялық өзгергіштігін арттырады, парабиоз ошақтарын жояды, жоғары дәрежелі вегетативті орталықтар организмінің бейімделу-трофиктік қызметін қалыпқа келтіреді, гипофиз-бүйрек, симпато-адреналин жүйесіне, қалқанша және жыныс бездерінің қызметіне қалыптастырушы әсер етеді, катехоламиндер алмасуын реттейді. Ультрадыбыстың әсерімен нейроэндокринді реттелудің трансгипофизді ғана емес, парагипофизді жолы да белсенділігін арттырады. Бұл терапия қабынуға қарсы әсер етеді, регенераторлық процестерге жәрдемдеседі.
Ине шаншу – биологиялық белсенді нүктелерге (акупунктура нүктелері) ине шаншу арқылы әсер ету әдісі. Акупунктура нүктелеріне ине рефлекс терапиясынын немесе басқа тітіркендіргіштердің физиологиялық әсер ету механизмі нерв жүйесінің әр түрлі деңгейінде өзара әрекет етумен байланысты, бұлар висцеральдық жүйелердің реттелуін қамтамасыз етеді.
Емдеу екі кезеңнен тұрады. Әркайсысы 10-12 процедураны қамтитын 1-3 курстан тұратын бірінші кезенде аурудың формасы мен сатысына қарамастан, ұзақтығы 60 минутқа дейін жететін ине шаншу әдісін (тежеу әдісі) қолданады. Бірінші кезеннің мақсаты – жалпы шынықтыру, невроздық қабаттарды ажырату, толық жыныстық тыныштықты қамтамасыз ету. 1-2 курстан тұратын екінші кезенде эрекция қызметі тежелген ңдуқаетарда ұзақтығы 5 минуттық ине шаншу терапиясын (қоздырушы өдіс), ал жалпы нүктелерде ұзақтығы 60 минуттық тежеу әдісін қолданады. Жыныс қызметі аса қозған тұста тежеу әдісімен емдеу екінші кезенде де сақталады. Процедураны күн сайын немесе күн аралатып жүргізеді, курстар аралығының интервалы – 1-4 апта.
Вконтакте
Мой мир
Источник
Nurken911 18.05.2014 жауап берді
Простатит – қуық асты безінің (простата) қабынуы. Ол ер адамдар арасында жиі кездесетін урологиялық кесел. Дерт 30-дан асқан еркектерде пайда бола бастайды. Соңғы кездері простатиттің “жасаруы” байқалады.
30 жастан соң еркектердің 30%-і, 40 жастан соң 40%-і, 50 жастан соң 50%-і және с.с. простатиттен жапа шегеді деп есептеледі. Дегенмен нақты науқастылық тіркелгеннен анағұрлым жоғары. Бұл диагностикалау ерекшеліктерімен және кеселдің жасырын өту мүмкіндігімен түсіндіріледі. Аталық без (простата) ұрық сұйығымен араласып, сперматозоидтардың белсенділігін және олардың әр түрлі жағымсыз жағдайларға тұрақтылығын арттыратын секрет бөліп шығарады.
Аталық без қабынуында (простатитте) зәр бөліп шығаруға байланысты көптеген пролемалар туындайды және эректильдік функция бұзылады. Ең қауіптісі сауатты ем болмағанда шамамен науқастардың 40 пайызында бедеулік дамуының қауіпі бар. Өйткені аталық без одан әрі сперматозоидтардың жылжымалылығын қамтамасыз ету үшін жеткілікті көлемде сапалы секрет бөліп шығара алмайды. Алайда мұндай симптомдардың тек простатитте ғана емес, сондай-ақ аталық без аденомасында және қатерлі ісігінде болатынын есте ұстау маңызды.
Простатиттің негізгі 4 формасы болады:
– жедел бактериалды простатит;
– созылмалы бактериалды простатит;
– бактериясыз простатит;
– простатодиния.
35 жастан кіші тұлғаларда простатит әдетте жедел бактериалды простатит түрінде өтеді. Егер жұқпа болуының зертханалық нақтылануы болса ғана бактериалды простатит деп атайды. Көбіне бұл инфекциялар – хламидиоз, трихомониаз, гарднереллез немесе соз (гонорея). Жұқпа аталық безге кіші жамбастың қан тамырлары мен лимфа тамырлары бойымен зәр шығару түтігінен, қуықтан, тік ішектен түседі. Бактериясыз простатитте бактерияны бөліп алудың сәті түспейді, дегенмен бұл оның жоқтығын білдірмейді.
Ересектеу жастағы пациенттерде кеселдің созылмалы түрлері жиі диагностикаланады. Проастатодинияда простатиттің клиникалық суреті, қабынусыз простата тінінің тығыздалуы болады. Простатит белгілерінің үш топқа бөлініп қарастырылуы мүмкін:
– зәрлік аппарат тарапынан бұзылыстар (зәрге жиі ауыртпалы шығу, қуықтың толық емес босау сезімі), құрсақтың төменгі бөлігіндегі ауырсыну;
– жыныстық қызмет бұзылыстары (эякуляция кезіндегі зәр шығару түтігінің бойындағы және тік ішектегі ауырсыну, әлсіз эрекция, мезгілінен ерте эякуляция, оргазмды жоғалту және с.с.);
– науқастардың өз жай-күйіне жете үңілуінен туындайтын жоғары мазасыздану және жүйке жұқаруы.
Жедел простатит әдетте 39-40° С дейін қызбамен бірге дене қызуының көтерілуінен басталады. Зәрге шығу қиындайды және ауырады. Зәрге шығу жедел кідірісін шақыратын аталық без ісінуі дамиды. Созылмалы простатит мейлінше тыныш өтеді, бірақ жағымсыз факторлардан кез-келген сәтте асқынуы мүмкін. Симптомсыз ағым иелену де ықтимал.
Дер кезінде терапия жүргізілмесе, мынадай асқынулардың болуы мүмкін:
– жедел простатиттің созылмалыға ауысуы;
– жедел зәр кідірісімен бірге хирургиялық емді талап ететін қуық обструкциясы;
– еркек бедеулігінің дамуы;
– рецидивті цистит;
– пиелонефрит және бүйректің басқа зақымданулары;
– хирургиялық араласуды қажет ететін аталық без абсцессі (іріңдігі).
Өмірге қауіпті сепсис көбіне иммунитеті төмен тұлғаларда дамиды (қант диабеті, бүйрек тапшылығы бар пациенттер).
Источник